Այսօր պատահաբար նայում էի Victoria's Secret-ի ցուցադրությունը:
Համաձայնվեք` յուրաքանչյուր կին մեծ հաճույքով կցանկանար իր զգեստապահարանում ունենալ այս հիասքանչ ներքնազգեստներից որևէ մեկը, եթե ոչ բոլորը )))))
Այս տեսանյութը դիտող կանանց պայմանականորեն կարելի է բաժանել 3 խմբի:
Որոշելու համար, թե որ խմբին եք պատկանում դուք` նախ դիտեք տեսանյութը, (ինչը ինքնին շատ հաճելի զբաղմունք է) հետո նոր անդրադարձեք հաջորդիվ ներկայացվող կետերին:
Ահա և 3 խմբերը.
- Կանայք, ովքեր դիտելով տեսանյութը հիմնականում ուշադրություն են դարձնում մոդելներին և շոուն վաելելու փոխարեն դեպրեսիա են ապրում` իրենք իրենց համեմատելով նրանց հետ:
- Կանայք, ովքեր դիտելով տեսնյութը ուշադրությունը կենտրոնացնում են միմիայն ներքնազգեստների վրա` փորձելով անկեղծորեն անտեսել մոդելներին և թաքցնել սրտի խորքում առաջացած նախանձը, չէ որ իրենք իրենց ոչ պակաս հիասքանչ են համարում:
- Կանայք, ովքեր ուշադրությունը հավասարապես բաշխում են թե մոդելների գեղեցկության և թե ներքնազգեստների հիասքանչ տեսականու վրա: Նրանք անկեղծորեն հաճույք են ստանում շոուից, մոդելների հանդեպ չունեն բացասական տրամադրվածություն և չեն համեմատվում նրանց հետ, իսկ գեղեցիկ զգեստներից շատերը անմիջապես պատկերացնում են իրենց հագին:
- 1 խմբի մոտ նկատվում է ցածր ինքնագնահատականի առկայություն, դժգոհություն սեփական արտաքինից:
- 2 խմբի մոտ առկա է բարձր կամ գերբարձր ինքնագնահատական, ինչը տարածվում է նաև սեփական ֆիզիկական տեսքի ընկալման վրա:
- 3 խմբի կանայք ունեն նորմալ ինքնագնահատական և վերաբերմունք սեփական արտաքինին, գնահատում են իրենց այնպիսին ինչպիսին կան: